रास्वपाले सरकार छाड्ने, सरकारबाट समर्थन फिर्ता नलिने

समाधान संवाददाता २०७९ माघ २२ गते १६:१८

पोखरा ।

Advertisement

सरकारबाट बाहिरिने निर्णय लिएको राष्ट्रिय स्वतन्त्र पार्टीले सरकारलाई दिएको समर्थन भने कायम राख्ने भएको छ ।

रास्वपाको केन्द्रीय समितिको आइतबार दिउसो बसेको बैठकले सरकारबाट बाहिरिने निर्णय गरेको हो ।

उक्त पार्टीका मन्त्रीहरूले आज राजीनामा दिने भएका छन् । उक्त निर्णयपछि आज नै राजीनामा बुझाउने रास्वपाका सभापति रवि लामिछानेले बताए । रास्वपाबाट शिशिर खनाल शिक्षा मन्त्री, डोलप्रसाद अर्याल श्रम मन्त्री र डाक्टर तोसिमा कार्की स्वास्थ्य राज्यमन्त्री बनेका थिए । उनीहरूले आज नै प्रधानमन्त्री पुष्पकमल दाहाल प्रचण्ड समक्ष राजीनामा दिन लागेका हुन् ।

Advertisement

तपाईको प्रतिक्रिया