पोखरा ।
पोखरा १० मा रहेको कालिका माध्यमिक विद्यालय तथा कालिका पब्लिक कलेजले शनिबार ५९ औं वार्षिकउत्सव मनाएको छ ।
कार्यक्रमका प्रमुख अतिथि सासंद मनबहादुर गुरुङले विद्यालयले शिक्षाक्षेत्रमा उल्लेखनिय योगदान गरेको भन्दै प्रसंसा गरेका थिए ।

विद्यालयका प्रध्यानाध्यापक बलराम गिरी र कलेज प्रमुख ज्योतीबहादुर पौडेलले वार्षिक प्रतिवेदन प्रस्तुत गरेका थिए ।
कार्यक्रममा विद्यालयमा २५ वर्ष भन्दा लामो समय काम गरेका शिक्षक पार्वती ओझा, सुमन ज्ञवाली, नानीमाया गौतम, बलराम पोख्ररेल, लोकमाया पुन, महेन्द्र कुँवर र सह प्रध्यानाध्यापक बासुदेव अभिकारीलाई दिर्घ सेवा पदकले सम्मान गरिएको थियो ।

विद्यार्थीहरू कृष्ण तिलिजा पुन, आशिष विक, विजया घर्ती, सुमन सापकोटा, सन्देश पुन, दिव्या चौधरी, श्रेया गरुङ, अभिनन्दन शर्मा, २०७८ को एसईईमा उत्कृष्ट नतिजा ल्याएका समिक्षा चापागाईं र निर्जल कुमाललाई पनि सम्मान गरिएको थियो ।
रामचन्द्र चापागाईंलाई उत्कृष्ट अभिभावक सम्मान प्रदान गरिएको थियो ।

कार्यक्रममा गुरुदत्त कोइराला, गीता आचार्य, महेश गुरुङ, राजेश गुरुङले विद्यालय र शिक्षाका बारेमा बोलेका थिए ।
पूर्वप्रध्यानाध्यापक महेश गुरुङले विद्यालयलाई १ लाख ११ हजार १११ सहयोग गरेका थिए । कार्यक्रमको अध्यक्षता विद्यालय व्यवस्थापन समितिका अध्यक्ष दिपकबहादुर थापाले गरेका थिए भने कार्यक्रम सञ्चालन ज्ञानबहादुर थापाले गरेका थिए ।