पोखरा ।
लोमान्थाङ गाउँपालिका मुस्ताङद्घारा आयोजित १ हप्ते उद्घोषण तालिम आइतबार सकिएको छ । लोमान्थाङका महिला तथा महिला जनप्रतिनिधिलाई उद्घोषण शिक्षा दिन र नेतृत्व विकासका लागि तालिमको आयोजना गरिएको लोमान्थाङ गाउँपालिकाकी उपाध्यक्ष छ्युमी विष्ट गुरुङले जानकारी दिइन् ।

कार्यक्रममा लोमान्थाङ गाउँपालिकाका अध्यक्ष टसी न्हर्वु गुरुङले तालिममा सिकेका कुरालाई व्यवहारमा उर्तान अनुरोध गरे । उनले लोमान्थाङका महिलाका लागि यो तालिम निकै प्रभावकारी भएको बताए ।

लोमान्थाङ गाउँपालिकाका प्रमुख प्रशासकीय अधिकृत बुद्घिराम उपाध्यायले महिलाको सशक्तीकरणका लागि यो तालिम निकै उपयोगी भएकाले आगामी दिनमा पनि निरन्तरता दिने बताए ।

लोमान्थाङ गाउँपालिकाकी उपाध्यक्ष छ्यूमी विष्ट गुरुङको अध्यक्षतामा भएको तालिममा प्रशिक्षार्थीले पनि आफ्ना अनुभव र सिकाइबारे बोलेका थिए । तालिममा पत्रकारहरु गोविन्द थापा सिञ्जाली र सुस्मा पौडेलले सहजीकरण गरेका थिए ।