पोखरा ।
मदरल्यान्ड माध्यमिक विद्यालयका कक्षा १२ को विज्ञान समूहमा अध्ययनरत विद्यार्थीद्वय विनायक बास्तोला र प्रवेश बास्तोलालाई विद्यालयले सम्मान गरेको छ । पिइए एसोसिएसन काठमाडौं र हिसान कास्कीको संयुक्त आयोजनामा हालै भएको राष्ट्रिय स्तरको हाजिरीजवाफ प्रतियोगिता गण्डकी प्रदेश छनोटमा उनीहरुले प्रथम स्थान प्राप्त गरेका थिए ।

१० जोड २ पछि इन्जिनियरिङ तथा इन्फर्मेसन टेक्नोलोजीतिर जान चाहने विद्यार्थीलाई लक्षित गरी आयोजना गरिएको उक्त प्रतियोगितामा गण्डकी प्रदेशका विभिन्न जिल्लाबाट ३६ समूह सहभागी दिए ।

विद्यालयका प्राचार्य नारायण बरालले नेपाल माउन्टेरिङ एसोसिएसन एनएमएद्वारा आयोजित हाजिरीजवाफ प्रतियोगितामा सहभागी भई प्रथम स्थान हात पार्न सफल व्यवस्थापन समूहका विद्यार्थीत्रय प्रशंसा बराल, अभिजित बराल र वरुण पौडेललाई पनि सम्मान गरिएको बताए ।