पोखरा ।
पोखरा ३१ बेगनासतालको बीच भागमा पर्ने कँडेल टुँडामा बराह मन्दिर निर्माण गर्नका लागि बिहीबार निर्माण समिति बनेको छ ।

बेगनासताल धार्मिक तथा पर्यटन विकास संस्था र बेगनासताल बराह क्षेत्र विकास समितिले संयुक्त रुपमा भएको भेलाले निर्माण समिति र अनुगमन समिति गठन गरेको हो ।

निर्माण समिति अध्यक्षमा धु्रवनाथ अधिकारी, उपाध्यक्ष विष्णु सुवेदी, सचिव दीपकराज कँडेल र कोषाध्यक्षमा गंगाराम सुवेदी छन् ।

यस्तै, सदस्यमा कृष्णप्रसाद ढुंगाना, सुरेन्द्र कँडेल, शंकर कँडेल, सीता कार्की, प्रदीपराज कँडेल, चन्द्रकान्त तिवारी र वीरभद्र कँडेल छन् ।

भेलाले पोखरा ३१ का वडाध्यक्ष ढकनाथ कँडेलको संयोजकत्वमा ७ सदस्यीय अनुगमन समिति बनाएको छ । समितिका सदस्यमा मित्रलाल भण्डारी, शोभाखर कँडेल, सस्र्यराज तिवारी, शान्ति खनाल, भरतराज ढकाल र यदुनाथ कँडेल छन् ।

ग्ण्डकी प्रदेश पर्यटन मन्त्रालयको ५० लाखमा उक्त मन्दिर निर्माण हुन लागेको हो । यसका लागि पोखरा महानगरपालिकाले गत साल ११ करोड लागतसहितको डिपिआर तयार गरेको थियो ।