पोखरा । चर्चित ‘पप ब्याण्ड द एज’ले पोखराको क्याटवाक क्लबमा विशेष प्रस्तुती दिने भएको छ । फागुन ५ गते ब्यान्डले नेपाली पप संगीतको प्रस्तुति दिन क्लबका सञ्चालक गुप्त लामाले बताए ।
द एज ब्याण्ड नेपाली पप संगीतको क्षेत्रमा चर्चित छ । एज ब्याण्डका ‘न चाहेको होइन तिमीलाई..’, ‘सम्झिने मुटु’, ‘जब तिमीसँग’, ‘मेरो आँशु’, ‘प्रयाश’, जस्ता गीत चर्चित छन् । कार्यक्रमको व्यवस्थापनको जिम्मा ‘प्रचार’ले लिएको छ ।
द एजले मंगलबार काठमाडौंमा भ्यालेन्टाइन डे विशेष शो सकाएर पोखरा आउन लागेको हो । पोखराबाटै उदाएको एज ब्याण्डले नेपाल भित्र र बाहिर शोहरु पाइरहेको छ ।
५ गतेको कार्यक्रमका लागि टिकट वित्रीको काम भइरहेको छ । कार्यक्रमको टिकट अनलाइन पेमेन्ट सिस्टम इसेवा र पोखराको ओपन हाउसमार्फत् विक्री भइरहेको सञ्चालक लामाले बताए । टिकटको मूल्य पहिलो चरणमा एक हजार र दोस्रो चरणमा १५ सय र कार्यक्रमका दिनसम्म २ हजारसम्म पुग्ने लामाले जानकारी दिए ।
गत भदौ २ गते खहरेचोकमा स्थापना भएको क्याटवाकमा एकैपटक २ हजार भन्दा बढीले रेष्टुरेन्ट र बारमा सेवा पाउँछन् । अन्तर्राष्ट्रिय स्तरको डान्स बार , म्युजिक सिस्टम र सुरक्षा प्रणाली मिलाइएको क्य, टवाक पछिल्लो समय पोखरामा धेरै रुचाइएको क्लब हो ।