पोखरा ।
अनुसन्धान व्यवस्थापन समिति, कन्या क्याम्पस पोखराको आयोजनामा ३ दिने कार्यशाला भएको छ । शनिबारदेखि सोमबारसम्म चलेको कार्यशालामा अनुसन्धान विधिबारे छलफल भएको छ ।

कार्यक्रममाकन्या क्याम्पस सञ्चालक समिति अध्यक्ष योगेन्द्र प्रधानले निरन्तरको सिकाइले नै ज्ञानको विकास हुने जनाए । कन्या क्याम्पसका प्रमुख सुरेशकुमार मानन्धरले सहभागीको सक्रियता र उत्साह लोभलाग्दो भएको बताए ।

स्रोत व्यक्ति सहप्राध्यापक दीपेन्द्र पराजुलीले आत्मीय वातावरणमा ज्ञान आदानप्रदान गर्न पाउनु निकै महत्वपूर्ण भएको धारणा राखे । सहभागीहरु कविता श्रेष्ठ तथा शिशिर ज्ञवालीले सहज वातावरणमा धेरै कुरा सिक्ने मौका पाएको प्रतिक्रिया दिए ।

विभिन्न सत्र विभाजन गरी व्यवस्थित गरिएको कार्यशालामा कन्या क्याम्पस, पृथ्वीनारायण क्याम्पस, जनप्रिय बहुमुखी क्याम्पस, कालिका बहुमुखी क्याम्पस, गौरीशंकर बहुमुखी क्याम्पस, हिमाल कलेज अफ मेनेज्मेन्ट तथा सैनिक आवासीय विद्यालयका गरी ३१ जना सहभागी थिए ।

कार्यशालामा प्राडा विकास केसी, प्राडा हरि पाठक, सहप्रा दीपेन्द्र पराजुली, डा सवीन्द्र भण्डारी, डा भूमिराज बस्ताकोटी र भूमिराज पण्डित स्रोत व्यक्ति थिए । अनुसन्धान व्यवस्थापन समिति संयोजक डा. भूमिराज बस्ताकोटीको अध्यक्षतामा भएको कार्यक्रममा समितिकी सदस्य लक्ष्मी सापकोटा र भूमिराज पण्डितले पनि बोलेका थिए ।