पोखरा ।
पोखरामा जारी आठौं संस्करणको संगम कप विल स्मृति फुटवल प्रतियोगिता २०७९ अन्र्तगत बिहीबार क्वाटरफाइनलका खेल हुने भएका छन् । पोखरा रंगशालाको वैकल्पिक फुटवल मैदानमा पहिलो क्वाटरफाइलन खेलमा आयोजक संगम क्लव र एलजी एसोसियसनबीच खेल हुनेछ ।

दोस्रो क्वाटरफाइनल खेल भ्याली स्पोट्र्स क्लब र ए पेक्सबीच हुँदा तेस्रो क्वाटरफाइनल खेल नव आर्दश सामुदायिक विकास समाज र विष्णुपादुका क्लबीच हुनेछ । अन्तिम क्वाटरफाइनल खेल सहारा क्लब र आदर्श युवा क्लबबीच हुनेछ ।

बुधबार भएको प्रि क्वाटरफाइनलका ३ खेल भएको म्याच कमिस्नर खिमबहादुर गुरुङले बताए । बुधबार भएको पहिलो खेलमा विष्णुपादुकाले अम्मरसिंह व्वाइज क्लब (एसिसी) लाई ३—० को गोल अन्तरले पराजित गरी क्वाटरफाइनलमा यात्रा बनायो । खेलमा विष्णुपादुकाका सुविन श्रेष्ठले ३१ र ४३ औं मिनेटमा २ गोल र राजन थापाले खेलको ६५ औं मिनेटमा १ गोलको योगदान दिए ।

एबिसीका पहिलो रोजाइका गोलरक्षक सन्तोष श्रेष्ठ खेलको ३३ औं मिनेटमा रातो कार्ड खाँदै बाहिरिए । उनले डिबक्सबाहिर गएर वान भर्सेस वान बल हातले समाउदा रेड कार्ड पाएका हुन भने उनको स्थानमा मन्दीप गुरुङले खेलेका थिए ।

सरोज गुरुङ र भगवत चौधरीको समान १ गोलको मद्दतले सहारा क्लबले युनाइटेड क्लबमाथि २—० को जित दर्ता गर्‍यो । खेलमा सहाराका गुरुङले ४५ र चौधरीले ४८ औं मिनेटमा गोल गरे ।

अन्तिम क्वाटरफाइनल खेलमा नायक बनेका विकास परियारको ह्याट्रिकको मद्दतले आदर्श युवा क्लबले डेभिड फल्स क्लबमाथि ३—१ गोल अन्तरले पराजित गर्दै अन्तिम ८ मा स्थान बनायो ।

खेलको ८, ४७ र दोस्रो हापको इन्जुरी समयमा पुन १ गोल गरी उक्त प्रतियोगितामै पहिलो ह्याट्रिक पूरा गरे । खेलको १६ मिनेटमा डेभिड फल्सका रुविन गुरुङले गोल गरे ।