पोखरा ।
नेपालको अग्रणी पेय पदार्थ कम्पनी कोकाकोला नेपालले पोखरामा मोमोरी फेस्ट आयोजना गर्ने भएको छ । उक्त कार्यक्रम पोखराको बाराही टेम्पल ग्राउन्डमा आयोजना हुने भएको हो ।

फागुन १३ गते शनिबारको दिन आयोजना हुने कोक मोमोरी फेस्टमा विभिन्न रमाइला कार्यक्रमहरु राखिएको आयोजकले जनाएको छ ।

कोकाकोलाले वार्षिक रुपमा आयोजना गर्दै आइरहेको कोकाकोला मोमो उत्सवको यस वर्षको संस्करणको रुपमा मोमोरी फेस्ट आयोजना हुन गइरहेको हो ।

कार्यक्रमको मुख्य आकर्षणको रुपमा १२ भन्दा धेरै स्वादका मोमोका स्टलहरु रहने छन् । अन्य रमाइला खेलकुदका स्टलहरु पनि राखिनेछन् । कार्यक्रममा लाइभ म्युजिक तथा डिजे सेसनहरु पनि राखिएका छन् ।

फेस्टमा ब्लु फायर सांगीतिक समूह तथा सिडीविजय अधिकारीको प्रस्तुति रहनेछ । कार्यक्रमको टिकट मूल्य १ सय रुपैयाँ छ । जसमा २ वटा २५० एमएलको कोकाकोलाको पेट बोतल प्रदान गरिनेछ ।