पोखरा ।

मुखभित्र हुने क्यान्सरको जटिल शल्यक्रिया पोखरामा सफलरुपमा गरिएको छ । पोखरा स्वास्थ्य विज्ञान प्रतिष्ठान, पश्चिमाञ्चल क्षेत्रीय अस्पतालमा पर्वत जिल्लाका ५४ वर्षे पुरुषको मुखभित्रको क्यान्सरको जटिल शल्यक्रिया गरेको हो ।

प्लाष्टिक सर्जन डा. पीयूष गिरीसहितको टिम र म्याग्जीलोफेसियल सर्जन डा. नारायण शर्मा लामिछानेसहितको दन्त चिकित्सकको टोलीले पर्वतका ५४ वर्षीय पुरुषको शल्यक्रिया गरेको हो ।

गत २९ माघमा ती पुरूषको तेस्रो स्टेजको क्यान्सर शल्यक्रिया विधिबाट हटाएर बिरामीकै बायाँ हातको मासु प्रत्यारोपण गरिएको थियो ।

अस्पतालका निर्देशक डा. भरतबहादुर खत्रीका अनुसार सफल शल्यक्रिया भएका बिरामी फागुन ७ गते डिस्चार्ज भएर घर गइसकेका छन् ।

मुखभित्र घाउ भएको ठाउँ शल्यक्रिया गरी फालेर उनकै बायाँ हातको मासु प्रत्यारोपण गरिएको निर्देशक खत्रीले बताए ।
तेस्रो स्टेजमा पुगिसकेको क्यान्सरको शल्यक्रिया म्याग्जिलोफेसियल सर्जन डा. नारायण शर्मा लामिछानेको टोलीले लगातार १० घन्टाको मेहनतपछि सफल भएको थियो ।