लेखनाथ ।
धादिङ पोखरा क्षेत्र नं. २ लेखनाथ कल्याणकारी समाजको छैटौं साधारण सभा तथा तेस्रो अधिवेशन शनिबार भएको छ । अधिवेशनले आगामी कार्यकालका लागि बुद्धराज बस्यालको अध्यक्षतामा १७ सदस्यीय नयाँ कार्यसमिति चयन गरेको छ ।

समितिको वरिष्ठ उपाध्यक्षमा मीनबहादुर दवाडी र कुलबहादुर रोक्का, महासचिव मिस्टर रोक्का, सचिव बाबुराम तिमिल्सेना, सहसचिव दमै सार्की, कोषाध्यक्ष हरि दवाडी र सहकोषाध्यक्षमा ईश्वर रोक्का छन् । सदस्यमा गोकुल सिलवाल, गोकुल बस्याल, प्रमिला बसेल, सुष्मा बयलकोटी, संगिता रानामगर, गंगा नेपाली, फूलमाया नेपाली, दुर्गा दवाडी र सीताराम रोक्का छन् ।

कार्यक्रममा पोखरा २६ का कार्यवाहक अध्यक्ष तीर्थराज रानाभाटले समाजले स्थापना कालदेखि नै मानव सेवा र समाजसेवा गरिरहेको भन्दै वडाको तर्फबाट सहकार्य हुने बताए । धादिङ पोखरा सम्पर्क समाजका अध्यक्ष रामप्रसाद पाण्डे राजुले कल्याणकारी समाजले मानव सेवाका काम गरेको बताए ।

कार्यक्रममा लायन्स क्लब इन्टरनेसनल ३२५ जेका डिस्ट्रिक्ट अफिसर रामचन्द्र सेडाई, ज्येष्ठ नागरिक कुलबहादुर नेपाली, समाजसेवी ओमबहादुर रानाभाट, कार्यक्रम संयोजक हरि दवाडी, समाजका उपाध्यक्ष बुद्धराज बस्याल, संस्थापक अध्यक्ष गोपाल नेपाली, चन्दादाता दीपेन श्रेष्ठ र मुस्कान लामा, उपाध्यक्ष बुद्धराज बस्याल, महासचिव तिलक रोका लगायतले बोलेका थिए ।

समाजका अध्यक्ष तेजबहादुर बस्यालको अध्यक्षतामा भएको सभामा सचिव मिस्टर नेपालीले प्रगति प्रतिवेदन र कोषाध्यक्ष मीनबहादुर दवाडीले आर्थिक प्रतिवेदन प्रस्तुत गरेका थिए ।