लेखनाथ ।
पोखरा २७ तालचोक स्थित डायमन्ड माविले ३५ औं वार्षिकोत्सव विविध कार्यक्रमका साथ मनाएको छ । शुक्रबार र शनिबार विविध कार्यक्रम भएका हुन् । समारोहमा भएको फुड फेस्टिभलले धेरैको ध्यान तानेको थियो ।

शनिबार भएको कार्यक्रममा गण्डकी विश्वविद्यालयका कुलपति प्राध्यापक डाक्टर गणेशमान गुरुङले विद्यार्थीलाई किताबी ज्ञानका साथमा व्यवहारिक र अन्तर्राष्ट्रिय मापदण्डको प्रयोगात्मक शिक्षा दिनुपर्ने बताए ।

विद्यालयका निर्देशक माधवशरण उपाध्यायको अध्यक्षतामा भएको कार्यक्रममा पोखरा २७ का वडाध्यक्ष पुर्णकुमार गुरुङ लगायतले बोलेका थिए । विगत ३ वर्षदेखि कक्षा ११ र १२ मा होटल म्यानेजमेन्ट पढाइ सञ्चालन गर्दै आएको विद्यालयले वार्षिक कार्यक्रम अनुसार नै फुड फेस्ट आयोजना गरेको माधवशरण उपाध्यायले बताए ।

पोखरा विश्वविद्यालयका मानविकी तथा सामाजिक संकायका डिन अजय थापाले शैक्षिक क्षेत्रको उन्नयन र विकासका लागि सरकारी, गैह्रसरकारी, निजी संघ, संस्था र मिडियाको भूमिका उल्लेखनीय हुने बताए ।