पोखरा ।
पोखरामा आइतबार हिउँदे वर्षा भएको छ । लामो समय पछि परेको पानिले हिउँदे खेतीलाई केहि राहत पुग्ने देखिन्छ । चार महिनापछि गत बिहीबार पनि वर्षा भएको थियो । बिहीबार पानीसँगै असिनासमेत पर्दा मालमुलफाँट, गगनगौंडा, भरतपोखरीमा तोरी, गहुँ, फापर र तरकारी बालीमा क्षति पुगेको थियो ।

पोखरालगायत देशका पहाडी भू–भागका एक–दुई स्थानमा मेघगर्जनसहित हल्का वर्षा भइरहेको मौसम पूर्वानुमान महाशाखाले जनाएको छ । महाशाखाका अनुसार हाल देशमा पश्चिमी वायुको सामान्य प्रभाव छ ।

काठमाडौँ उपत्यकामा पनि आज छिटपुट वर्षाको सम्भावना छ । दिउँसो ३ बजेपछि छिटपुट वर्षाको सम्भावना रहेको महाशाखाले जनाएको छ ।