पोखरा ।
पोखरा महानगरपालिका वडा नं ३३ स्थित सिलिंगे महिला चेतना समूहको १६ औं वार्षिक साधारणसभा एवम् सातौं अधिवेशनले पुनः कर्णकुमारी महतलाई अध्यक्ष निर्वाचित गरेको छ । सर्वसम्मत निर्वाचित १३ सदस्यीय कार्यसमितिको उपाध्यक्ष सरला महत, सचिव सीता केसी महत, कोषाध्यक्ष सविता आचार्य पौडेल, सहसचिव विष्णु पौडेल छिन् ।

सदस्यमा लक्ष्मी जमरकटेल, गंगा क्षेत्री, जौमाया विक, सम्झना भट्टराई, विष्णुमाया विक, सुनीता अर्याल महत, जमुना महत र सविता पौडेल छिन् । कार्यक्रम उद्घाटन गर्दै पोखरा महानगरपालिका वडा नं ३३ का वडा अध्यक्ष रामचन्द्र अधिकारीले सिलिंगे महिला चेतना समूहको सक्रियता अनुकरणीय भएको बताए ।

समूहकी अध्यक्ष कर्णकुमारी महतले समूहको सक्रियतामा सदस्यहरूलाई विभिन्न सिपमूलक तालिमका साथै ऐतिहासिक चौतारा, प्रतीक्षालय लगायत निर्माण गरिएको बताइन् । समूहले आगामी दिनमा पाण्डेबारीमा चौतारा निर्माणसँगै वातावरण संरक्षणका कार्यक्रम, चेतना एवम् सीपमूलक तालीम प्रदान लगायत काम गर्ने उनले सुनाइन् ।

समूहकी सचिव सीता केसी महतको सञ्चालन एवम् उपाध्यक्ष सरला महतले स्वागत गरेको कार्यक्रममा वडा सदस्य विनोदबाबु भण्डारी, रामचन्द्र पौडेल, गुरुप्रसाद पौडेल, चेतबहादुर महत लगायतले समूहले सामाजिक सचेतनासँगै ऐतिहासिक स्थलहरूको संरक्षण र विकासमा गरेको योगदान प्रशंसनीय भएको बताए ।

उक्त अवसरमा समूहका संस्थापक सल्लाहकार एवम् पदाधिकारी एवम् रासस गण्डकी प्रदेश प्रमुख वासुदेव पौडेललाई कदरपत्र प्रदान गरी सम्मान गरिएको थियो । अधिवेशन सम्पन्न गर्नका लागि वासुदेव पौडेलको संयोजकत्वमा हेमबहादुर थापा र राधा पौडेल सदस्य रहेको निर्वाचन समिति गठन गरिएको थियो ।