पोखरा । गण्डकी प्रदेश प्रमुख पृथ्वीमान गुरुङले प्रदेश सभामा सम्बोधन गर्ने भएका छन् ।

फागुन १७ गते बस्ने प्रदेश सभालाई प्रमुख गुरूङले सम्बोधन गर्ने तालिका रहेको सभाका प्रवक्ता सचिव प्रेम सुवेदीले बताए ।
यसका लागि दिउँसो २ बजे प्रदेश सभा बैठक बस्दैछ । १७ गतेको सम्बोधन प्रदेश प्रमुख गुरूङको यो अधिवेशनको पहिलो हो ।

संविधानको धारा १८४ बमोजिम प्रदेश प्रमुखले प्रदेश सभाका लागि भएको निर्वाचनपछिको पहिलो अधिवेशन र प्रत्येक वर्षको पहिलो अधिवेशनको प्रारम्भ भएपछि प्रदेश सभाको बैठकलाई सम्बोधन गर्नसक्ने प्रावधान छ ।