पोखरा ।
ईनरह्विल क्लब अफ न्यूरोड पोखराले दुईजना महिलालाई सिलाई मेसिन हस्तान्तरण गरेको छ । नारी दिवसको पुर्वार्धमा पोखरा ११ का सीता परियार र ३ का कृष्ण दासलाई मेसिन सहयोग गरेको हो ।

कार्यक्रममा पोखरा ११ का वडाध्यक्ष प्रेमप्रसाद कर्माचार्यको उपस्थिति थियो । ११ कै वडासदस्य सुशील बास्तोलाले पदमा बसेपछि मानवियताको पनि ख्याल गरेर काम गर्नु पर्ने यस्ता कार्यले आत्मसन्तुष्टि प्राप्त हुने विचार प्रकट गरे।

मेसिन ग्रहण गर्दै सीता परियार र कृष्ण दासले मेसिनको सहि सदुपयोग गर्ने भन्दै धन्यवाद दिएका थिए । कार्यक्रम संयोजक क्लबका पूर्वअध्यक्ष गिता सिग्देलले गरेकी थिइन् भने सञ्चालन सचिव गिता केसीले गरेकी थिइन् ।