पोखरा ।
गजल सन्ध्या पोखरा र नवनीत साहित्य सागरद्वारा सञ्चालन गरिएको साहित्यिक कार्यक्रम ‘अक्षरयात्रा’को १ सय ९६ औं शृंखला पृथ्वीनारायण क्याम्पसको नेपाली विभागको सभाकक्षमा भएको छ ।

गजल सन्ध्याका अध्यक्ष वसन्त विनोद तथा पृथ्वीनारायण क्याम्पस नेपाली विभागाध्यक्ष प्राडा कुसुमाकर न्यौपानेको संयुक्त सभानायकत्वमा भएको यात्राका परिकल्पनाकार लक्ष्मण थापा, नेपाली लेखक संघ गण्डकी प्रदेशका अध्यक्ष डा. ईश्वरमणि अधिकारी, नेपाली लेखक संघ कास्की अध्यक्ष सञ्जीव पौडेल, लघुकथा प्रतिष्ठानका अध्यक्ष अल्पविराम, अमृत क्षेत्री, श्रीराम अधिकारी गोर्जे, असफल गौतम, लाल कार्की अन्जान, रोजिना घिमिरे, विष्णु बास्तोला, गुरुप्रसाद बराल, ध्रुव विपश्वी, सुरज उपाध्याय र दीपक समीपले तत्स्थानीय रचनावाचन गरेका थिए । प्राध्यापक श्रीधर न्यौपानेले कार्यक्रमको महत्वमाथि प्रकाश पारे ।