पोखरा ।
पोखरा १३ स्थित कञ्चन टोल विकास संस्थाको शनिबार भएको १२ औं साधारण सभा तथा चौथो अधिवेशनले नयाँ कार्यसमिति चुनेको छ ।

१३ सदस्यीय नयाँ कार्यसमितिमा उपाध्यक्ष रामबहादुर गुरुङ, सचिव राजेन्द्रप्रसाद बराल, कोषाध्यक्ष जगत गुरुङ र सहकोषाध्यक्ष सुस्मिता पौडेल छन् ।

सदस्यमा धनबहादुर गुरुङ, रश्मि शाही, सीता चापागाईं, मीना बराल, सरस्वती तिमिल्सिना, श्रीराम रानाभाट, चौमाया गुरुङ र वृन्दा परियार सर्वसम्मत बनेका छन् ।

सभामा पोखरा १३ का वडाध्यक्ष किरण बरालले टोल पोखरा महानगरका टोलमध्ये कञ्चन उत्कृष्ट टोल बनेको बताए । टोलको विकासका लागि वडाबाट यथाशक्य पहल हुने उनको भनाइ छ ।

संस्थाका अध्यक्ष ईन्द्रबहादुर गुरुङ्गको अध्यक्षतामा कार्यक्रममा ८० वर्ष पुगेका ज्येष्ठ नागरिक र टोलभित्र स्नातक र सोभन्दा माथिल्लो तह उत्तीर्ण विद्यार्थीलाई सम्मान गरिएको छ ।

कार्यक्रममा पोखरा वडा नं. १३ को वडा सदस्य सूचिता तामाङ, संस्थापक अध्यक्ष ऋषिराम सापकोटा, काहुँखोला टोल विकास संस्थाका प्रतिनिधि खम्बासिं गुरुङ, तिलकबहादुर कार्की लगायतले धारणा राखेका थिए ।