पोखरा ।
पोखरा ८ नागढुंगास्थित नागबेली तमु समाजको वार्षिक कार्यक्रम तथा स्योकैं सम्पन्न भएको छ । तमु धिं नेपाल समाजका संस्थापक हर्कबहादुर गुरुङ र विशिष्ट अतिथि तमु धिं नेपालका अध्यक्ष हुमबहादुर गुरुङले दिप प्रज्वलन गरी उद्घाटन गरेका थिए ।

कार्यक्रममा जेष्ठ सदस्य सम्मान, उच्च शिक्षा हासिल गरेका विद्यार्थीहरुलाई पुरस्कृत एवम सम्मान, आयोजित रमाइलो खेलमा विजयीलाई पुरस्कार वितरणका साथै वार्षिक स्योकैं कार्यक्रम सम्पन्न गरिएको छ ।

समाजका अध्यक्ष विष्णुकुमार गुरुङको अध्यक्षतामा सम्पन्न कार्यक्रममा प्रमुख अतिथि हर्कबहादुर गुरुङ, विशिष्ट अतिथि तमु धिं नेपालका अध्यक्ष हुमबहादुर गुरुङ, समाजका पुर्व सचिव खेमबहादुर गुरुङ लगायतले शुभकामना मन्तव्य राखेका थिए । समाजका उपाध्यक्ष रुद्रबहादुर घले स्वागत र सचिव खडग गुरुङले कार्यक्रम सञ्चालन गरेका थिए ।