समाधान संवाददाता
पोखरा ।
नयाँ वर्षको अवसरमा अष्ट्रेलिकाको स्ट्र्याथपाइन सामुदायिक केन्द्रमा ‘नयाँ वर्ष २०८० शुभकामना साँझ’ हुने भएको छ । नेपालमा ख्याति प्राप्त कलाकारको साथमा शुभकामना साँझ गर्न लागिएको आयोजक टिका भुर्तेलले बताए ।

उनका अनुसार नेपाली पाठशाला ब्रिसबेनको सहयोगार्थ नेपाली एसोसिएसन अफ कुइन्सल्यान्डको सह आयोजनामा कास्की समाज अस्ट्रेलियाले नेपालीहरुलाई लक्ष्ति गरी शुभकामना साँझ गर्न लागेको हो । साँझमा नेपालबाट लेखक तथा हाँस्य कलाकार हरिवंश आचार्य, गायकद्वय हिमाल सागर र एञ्जिला रेग्मी साथै मिस नेपाल मलिना जोशीकाको प्रस्तुति हुनेछ । कार्यक्रम अप्रिल ६ तारिकमा हुनेछ । कार्यक्रमलाई सफल पार्न सहकार्य गर्न चाहने संघ संस्थाहरुलाई आहन गरिएको छ ।