लेखनाथ ।
पोखरा २६ अर्घौमा रहेको सनराईज क्लबले १४ औं स्थापना दिवसको अवसरमा श्रीकृष्ण प्रणामी मन्दिर बृद्ध तथा बाल आश्रमलाई सहयोग गरेको छ ।

क्लबले सामाजिक क्षेत्रमा गर्दै आएका कामहरुलाई निरन्तरता दिँदै यस वर्षको वार्षिक कार्यक्रम अन्र्तगत पोखरा २७ को सहेला पाखामा रहेको आश्रमका लागि खाद्यन्न तथा फलफुल प्रदान गरेको हो ।

क्लबका अध्यक्ष डुलप्रसाद पुनले सामाजिक उत्तरदायित्व अन्र्तगत क्लबले रक्तदान, सरसफाई, सडक बत्ति जडान जस्ता कार्यक्रम गर्दै आएको बताए ।

क्लबले आश्रमका संरक्षक कल्याण कुमार कार्कीलाई सामाग्री हस्तान्त्रण गरेको हो । आश्रममा नियमीत रुपमा पाँच जना बालवालिका र नौं जना ज्येष्ठ नागरिक छन् ।

क्लबका उपाध्यक्ष सुर्य न्यौपाने र निवर्तमान अध्यक्ष राजबहादुर गुरुङले सामाजिक क्षेत्रमा क्लबले गर्दै आएका काम र भविस्यमा गरिने कामका बारेमा जानकारी दिए ।