पोखरा ।
कस्केली अधिकृत समाजका सदस्यले शनिबार बागलुङ तथा पर्वतका पर्यटकीय स्थल भ्रमण गरेका छन् । पोखरा र आसपासका पर्यटकीय गन्तव्यलाई भ्रमणको माध्यमबाट प्रवद्र्धन गर्ने उद्देश्यका साथ कार्यक्र भएकोसमाजका अध्यक्ष चन्द्रबहादुर सुवेदीले बताए ।

समाजले विभिन्न रचनात्मक कार्यक्रमका माध्यमबाट समाजमा केही न केही योगदान पुगोस् भन्ने हेतुका साथ यस किसिमका कार्यक्रमलाई जोड दिएको उनको भनाइ छ । कस्केली अधिकृत समाजका सदस्य एवं परिवारजनसमेत ५० जना सहभागी टोलीले बागलुङ कालिका मन्दिर, पञ्चकोट, शालग्राम संग्रहालय, पर्वतका अग्ला पुल लगायतका स्थान अवलोकन गरेको छ ।

गण्डकी प्रदेश खेलकुद विकास समितिका निर्देशक कृष्ण तिमल्सिना र कृषि विकास बैंकका वरिष्ठ शाखा अधिकृत गायत्री सुवदीलाई समाजको नयाँ सदस्यका रुपमा स्वागत गरिएको समाजका सचिव महेश पौडेलले बताए । अघिल्ला २ वर्ष कोरोना कहरका कारण यस किसिमका कार्यक्रम नभएको संस्थाले जनाएको छ ।

यस्ता कार्यक्रमले पर्यटन प्रवद्र्धनसँगै समाजका कार्यसमिति एवं आजीवन सदस्यबीच आपसी भाइचारा अभिवृद्धि हुने समाजका सल्लाहकार दुर्गाबहादुर शाह ‘बाबा’ले बताए । उपाध्यक्ष लोकनाथ दवाडीको संयोजकत्वमा भएको कार्यक्रमका लागि गठित उपसमिति सदस्यमा महेश पौडेल, वासुदेव पौडेल, सन्तोष ढुंगाना, अनिल सुवेदी र मैयाँ पराजुली छन् ।