पोखरा ।
पोखरामा आर्चरी लेवन वान ओलम्पिक सोलीडारिटी प्रशिक्षक प्रशिक्षण सुरु भएको छ । नेपाल आर्चरी संघको आयोजना, नेपाल ओलम्पिक कमिटिको सहयोग र वल्र्ड आर्चरी महासंघको प्राविधिक सहयोगमा शनिबारदेखि प्रशिक्षण सुरु भएको संघ अध्यक्ष दीपकराज गुरुङले बताए ।

आर्चरी खेलको विकास र विस्तार गर्ने उद्देश्यले भएको प्रशिक्षण १७ गतेसम्म चल्नेछ । गण्डकी प्रदेशसहित कोशी प्रदेश, बागमती प्रदेश, सुदुर पश्चिमाञ्चल प्रदेश, विभागीय टोली शसस्त्र प्रहरी बल र नेपाली सेनाका गरी १५ जना प्रशिक्षणमा सहभागी छन् ।

कास्की जिल्ला आर्चरी संघको स्थानीय व्यवस्थापनमा भएको कार्यक्रममा ५ महिला सहभागी रहेको संघ कास्की अध्यक्ष योगेन्द्रबहादुर शेरचनले बताए ।

वल्र्ड आर्चरीका विज्ञ अल्जेरियन प्रशिक्षक खालीद लामान्डेले सहभागीलाई प्रशिक्षण दिएका छन् । नेपालमा आर्चरी खेलको धेरै सम्भावना भए पनि प्रशिक्षक कम रहेकाले कार्यक्रम आयोजना गरिएको संघका महासचिव रमेशप्रसाद शिवाकोटीले बताए ।

प्रशिक्षण नेपाल ओलम्पिक कमिटी उपाध्यक्ष तेजबहादुर गुरुङले सुरुआत गरेका थिए ।