पोखरा ।
अर्गनाइजेसन अफ इकोनोमिक कोरपोरेसन एण्ड डेभलपमेन्टको आयोजना र नेपाल राष्ट्र बैंकको संयोजनमा निबन्ध प्रतियोगीता भएको छ । ‘प्लान योर मोनी, प्लान्ट योर फ्युचर’ विषयमा भएको प्रतियोगितामा मदरल्यान्ड सेकेन्डेरी स्कुलका बिनम श्रेष्ठ प्रथम, एसओएस गण्डकी स्कुलका आयुष अधिकारी द्धितिय र आयुष्मा भण्डारी तृतिय भएका छन् ।

विश्व वित्तीय सप्ताहको अवसरमा भएको प्रतियोगितामा कास्की भित्रका १९ वटा विद्यालयका कक्षा १२ मा अध्ययनरत २९ जना विद्यार्थी सहभागी थिए । निबन्धलाई दुई चरणमा मूल्याङकन गरिएको थियो । पहिलो चरणको मूल्यांकनबाट छानिएका उत्कृष्ट ७ मध्येबाट दोस्रो चरणको मूल्यांकनले विजेता चुनेको हो ।

मूल्यांकन सदस्यमा नेपाल राष्ट्र बैंक पोखराका निर्देशक आर्या जोशी, उप निर्देशक सम्झना ढकाल र नबिल बैंकका प्रदेश प्रमुख सूर्य रोका थिए ।

विजेतालाई बैंकको वार्षिकउत्सवमा पुरस्कार प्रदान गरिनेछ ।