पाेखरा ।

गण्डकी प्रदेश सभामा नेकपा माओवादी केन्द्र संसदीय दलका नेता हरिबहादुर चुमानले आफ्नाे दलकाे तर्फबाट आज कसैले सपथ नखाने बताएका छन् । मन्त्रालयकाे संख्या र जिम्मेबारी नटुङ्गिएकाले आफ्नाे दल आज सरकारमा सहभागी हुन नसकेकाे चुमानले समाधानलाई बताए ।

मुख्यमन्त्रीले हामीलाई एमालेले जस्ते २ वटा मन्त्रालय लिएर सरकारमा सहभागी हुन आग्रह गर्नु भएको छ, जुन कुरा हामीलाई मान्य छैन– चुमानले भने ।

एमालेले माओवादी केन्द्रलाई पेलेकै कारण उसँगकाे गठबन्धन ताेडेका हौं भन्दै चुमानले कांग्रेसले पनि एमालेले जस्ते पेल्न नपाउने बताए । हाम्राे बटम लाइन ३ वटा मन्त्रालय हाे–उनले भने ।