पोखरा ।
लायन्स क्लब पोखरा दर्पण र पोखरा अन्नपूर्णको संयोजकत्वमा पोखरा २० भलाममा खानेपाली टंक बनेको छ । यसका लागि बेलायतका हर्वाे विद्यालयका २२ विद्यार्थीले खाजाको रकम कटाएर २ लाख सहयोग गरेका छन् ।

भलामको महेन्द्र माविमा बनेको १० हजार लिटरको खानेपानी टंकी पोखरा २० का वडाध्यक्ष गंगाबहादुर खत्रीले शिलान्यास गरे ।

विदेशी विद्यार्थीले नेपाल आएर स्वयंसेवकको रुपमा काम गरी भौतिक निर्माण गरेको कामको सिको गर्नुपर्ने उनले बताए ।

विद्यालय व्यवस्थापन समिति अध्यक्ष चित्रबहादुर क्षेत्रीले छिमेकी राष्ट्रका विद्यार्थीले खानेपानी टंकी निर्माणका लागि सहयोग गरेकोमा धन्यवाद दिए ।

खानेपानी परियोजनाका निर्देशक सोनाम साङ्पोले पोखरा नगरपालिकाका सरकारी स्कुलमा क्रमश शुद्ध खानेपानीका लागि टंकी बनाउन बेलायत बाट सहयोग आएको बताए । विद्यालयका प्रधानध्यापक बोधराज पौडेल अब खानेपानीको समस्या समाधान भएको बताए ।

कार्यक्रममा लायन्स क्लब अन्नपूर्णका इलेक्ट प्रथम उपाध्यक्ष गणेश छवि र लायन्स दर्पण अध्यक्ष राममणि पौडेलले पनि बोलेका थिए ।