पोखरा ।
नेपाल आदिवासी जनजाति पत्रकार महासंघ (फोनिज), गण्डकीको आयोजनामा पोखराको समृद्धि र पत्रकारको भूमिकामाथि छलफल भएको छ । कार्यक्रममा पोखरा महानगरपालिकाका मेयर धनराज आचार्यले पोखराको समृद्धि र यहाँको पर्यटन क्षेत्रको प्रचारप्रसारमा पत्रकारको अहमं भूमिका रहने बताए ।

कोरोनाले सुस्ताएको पर्यटक चलायमान बनाउन आम सञ्चारको ठूलो जिम्मेवारी रहेको उनको भनाइ छ । पोखराको समृद्धिको मुख्य स्रोत पर्यटन भएकाले संरक्षण र प्रवद्र्धनमा जोड दिनुपर्ने उनले जनाए । पोखरामा भएका पर्यटनको सम्भावनालाई उजागर गर्न र पर्यटन प्रवद्र्धन गर्न महानगर सधैं तयार रहेको उनले बताए ।

फोनिजका संघीय सल्लाहकार हुमबहादुर गुरुङले पोखराको समृद्धिमा पत्रकारले सधैं साथ दिने बताए । विशेषगरी समुदायगत पत्रकारको क्षमता अभिवृद्धिका लागि पोखरा महानगरले योजना बनाउनुपर्ने उनको धारणा छ । फोनिज गण्डकी अध्यक्ष रुद्र श्रीषमगरले पोखरा महानगरसँग सहकार्य गर्दै आदिवासी जनजातिको उत्थानका लागि उत्कृष्ट कार्यक्रम गर्न तयार रहेको जनाए ।