पोखरा ।
पोखरामा आइतबारदेखि ‘स्टार्स समर क्याम्प २०७९’ सुरु भएको छ । वार्षिक परीक्षा पश्चात फुर्सदमा रहेका बालबालिकालाई लक्ष्य गरेर स्टार्स स्टुडियो नेपाल र स्टार्स फाउन्डेसन नेपालको आयोजनामा यो कार्यक्रम सुरु भएको हो ।

चैत २८ गतेसम्म सञ्चालन हुने क्याम्पले बालबालिकाको व्यक्तित्व तथा नेतृत्व विकास गर्ने अवसरका साथै नयाँ साथीहरुसँग घुलमिल हुने र रमाउने अवसर प्राप्त गर्ने कार्यक्रम संयोजक जसु गुरुङले बताइन् ।

‘समर क्याम्पमा बालबालिकाले व्यक्तिगत एवं सिर्जनात्मक सिकाइको बारेमा बुझन् पाउनेछन्, यसका अलावा शिक्षामूलक ज्ञान लिँदै साथीहरुबिच आत्मीयता तथा आत्मविश्वास बढाउदै आत्मनिर्भर बन्न सिक्नेछन्,’ उनले भनिन् ।

क्याम्पमा बालबालिकाले फेस पेन्टिङ, योगा, नाटक, गायन, नृत्य, संगीत, सेल्फ डिफेन्सको लागि तेक्वान्दो, कँराते सिक्न स्विमिङ गर्न र इन्डोर तथा आउट डोर गेम खेल्न

बालबालिकामा सामाजिक सीप हस्तान्तरण गरि उनीहरुमा व्यक्तित्व एवं नेतृत्व विकास गराउने उद्देश्यले आयोजना गरिएको कार्यक्रममा सहभागी बन्न इच्छुकले सोमबारसम्म सम्पर्क राख्न सक्ने आयोजक संस्थाकी अध्यक्षसमेत रहेकी गुरुङले जनाइन् ।

क्याम्पमा हुने नयाँ प्रतिभा पहिचान, सामूहिक कार्य, रमाइलो वातावरण तथा बाहिरी अनुभव लगायतले उनीहरुलाई आगामी दिनमा सफलता प्राप्त गर्न मद्दत गर्ने उनको विश्वास छ ।

क्याम्पमा सहभागी बालबालिकाले फेस पेन्टिङ, योगा, नाटक, गायन, नृत्य, संगीत, सेल्फ डिफेन्सको लागि तेक्वान्दो, कँराते, स्विमिङ सहित अन्य रमाइला इन्डोर तथा आउट डोर गेम खेल्न पाउनेछन् ।

स्टोरी टेलिङ, पब्लिक स्पिकिङ, कल्चरल फोटोसुट, बिबिक्यु नाइट, आर्ट काफ्ट ड्रइङ, मोमो बनाउने सिप मात्र नभएर विभिन्न पर्यटकीय ठाउँ घुम्न अवसरसमेत उनीहरुलाई मिल्नेछ ।

१० दिने कार्यक्रममा आयोजकले यातायात, होस्टेल, खानाखाजा, स्वास्थ्यकर्मी एम्बुलेन्स तथा अवधिभर चाहिने सम्पूर्ण सामग्रीको व्यवस्था मिलाएको आयोजकले जनाए ।

कुल २५ वटा क्लासमार्फत नेपाली तथा विदेशी प्रशिक्षकले बाबुनानीलाई रमाइलो माहोलमा ज्ञान हस्तान्तरण गर्ने उनीहरुको भनाइ छ । कार्यक्रम पोखरामा दोस्रोपटक आयोजना गरिएको हो । यसअघि पोहोर वैशाखमा पहिलो संस्करणको स्टार्स समर क्याम्प सम्पन्न भएको थियो ।

स्टार्स स्टुडियो नेपाल नेपाली मौलिक लोकसंस्कृति र सांस्कृतिक नृत्यहरुको संरक्षण र प्रवद्र्धनका लागि क्रियाशील संस्था हो ।

यसको कार्यालय न्युरोड पोखरामा रहेको छ । लोक नृत्यको प्रशिक्षणका साथै विभिन्न जातजातिको मौलिक भेषभवूषाको संरक्षण, फिल्म निर्माण, इभेन्ट मेनेजमेन्ट लगायत क्षेत्रमा यसले काम गरिरहेको छ । स्टार्स फाउन्डेसन नेपालले विभिन्न सामाजिक कार्य गर्दै आएको छ ।