लेखनाथ ।
पोखरा ३० मा रहेको संक्रामक तथा सरुवा रोग अस्पतालमा कोरोना संक्रमितको संख्या बढ्न थालेको छ । पछिल्लो एक सातामा मात्रै अस्पतालमा १९ जनाको एन्टिजेन विधिमार्फत कोरोना परीक्षण गरिएकोमा ५ जनामा कोरोना संक्रमण पुष्टि भएको छ ।

अस्पतालका कार्यकारी निर्देशक डा. विकास गौचनले संक्रमितमध्ये ३ जना महिला र ३ पुरुष रहेको जानकारी दिए । नेपालमा अहिले संक्रमितको संख्या बढ्नुमा ओमिक्रोनको नयाँ सब भेरियन्ट मुख्य कारक हुन सक्ने निर्देशक गौचनले अनुमान गरे ।

यद्यपि अस्पतालमा संक्रमण पुष्टि भएकाहरुको हकमा भने जिन सिक्वेन्सिङ रिपोर्टको आधारमा मात्र भेरियन्ट थाहा हुने उनले खुलाए ।

संक्रमितको संख्या बढ्न थालेसँगै अस्पतालबाट कोरोना विरुद्धको खोप लगाउनेको संख्यामा पनि वृद्धि भएको छ । नियमित खोप कार्यक्रममार्फत पछिल्लो १ साता दैनिक औसत ४० जनाले कारोना विरुद्धको खोप लगाउने गरेको अस्पतालका सूचना अधिकारी केदार लामिछानेले जानकारी दिए ।