जोमसोम विमान स्थलमा पत्रकारलाई फोटो खिच्न रोक

समाधान संवाददाता २०७९ चैत २५ गते ११:४४

जोमसोम– पर्यटन प्रर्वद्धनका लागि शनिबार बिहान जोमसोम विमान स्थल पुगेका मुस्ताङका पत्रकार सुन्दरकुमार थकालीलाई फोटो खिच्न रोक लगाईएको छ ।

Advertisement

पत्रकार थकाली जोमसोम नागरिक उड्यन कार्यालयको मुल गेटबाट प्रवेश कार्ड लिएर रिपोटिङ गर्न जोमसोम विमान स्थल पुगेका थिए । उनलाई विमान स्थल कन्ट्रोल रुमको आदेश भन्दै डिउटीमा रहेका प्रहरी असई राजेन्द्र बहादुर थापाले फोटो खिच्न रोक लगाएका हुन् ।


थकालीले विमान स्थल मुल गेटबाट प्रवेश अनुमती कार्ड लिएर पहिलो चरणमा विमान स्थलको कन्ट्रोल रुममा गएका थिए ।उनले त्यहा भिडियो फोटोको बिषयमा कुराकानी गरेका थिए । थकाली विमान स्थलबाट क्यामेरा छुटेका कारण क्यामेरा लिन घरमा गएका थिए ।

उनी फेरी विमान स्थलको मुल गेटको अनुमती लिएर विमान स्थल भित्र छिरे । पत्रकार थकालीलले रनवेको एक कुना साईडबाट फोटो खिच्न लाग्दा डिउटीका प्रहरीले फोटो खिच्न रोक लगाएको हो ।


पत्रकार थकालीले पर्यटन प्रर्वद्धनका लागि मुल प्रवेश गेटबाट अनुमती लिएर रिपोर्टिङ गर्न गएको भएपनि आफुलाई फोटो खिच्न नदिएको बताए । तर, विमान स्थलको कन्ट्रोल रुमका एक कर्मचारीले भने विमान स्थल रनवेलाई डिस्टप नहुने गरी पहिलो घेराबाट फोटो खिच्न पाईने बताए ।

Advertisement

पत्रकार थकालीले रिपोर्टिङका लागि मुल प्रवेश द्धारबाट पास लिएर भित्र छिरेपछि फोटो खिच्न पाउनु पर्ने बताए । थकाली पत्रकार महासंघ मुस्ताङ शाखाका अध्यक्ष एवं समाधान दैनिकका जिल्ला स्थित सम्वाददाता हुन् ।

तपाईको प्रतिक्रिया