पोखरा ।
नेपाल रेडक्रस सोसाइटी थप्रेक उपशाखा तनहुँले ११ औं साधारणसभा शनिबार आयोजना गरेको छ । साधारणसभाले उपशाखाका सचिव ठाकुरप्रसाद खनालले प्रस्तुत गरेको प्रगति प्रतिवेदन र कोषाध्यक्ष अनिता पौडेलले प्रस्तुत गरेको आर्थिक प्रतिवेदन पारित गरेको छ ।

समारोहमा नेपाल रेडक्रस सोसाइटी तनहुँ जिल्ला शाखाका पूर्व कावा सभापति डिल्लीराम अधिकारीले रेडक्रस विपद्मा परेका मानिसको उद्धार गर्ने उद्देश्यका साथ स्थापित विश्वव्यापी संस्था भएको बताए ।

शुक्लागण्डकी नगरपालिका वडा नं १ का वडाध्यक्ष रविचन्द्र पौडेलले रेडक्रस जस्तोलाई राज्यले स्रोत, साधन उपलब्ध गराई मजबुत गराउनुपर्ने धारणा राखे ।

उपशाखा सभापति शमशेरबहादुर गुरुङको अध्यक्षतामा भएको कार्यक्रममा उपसभापति कृष्णमाया गुरुङ, शिवराज ढकाल, केशमाया गुरुङ, रेलीमाया गुरुङ लगायतले बोलेका थिए ।