पोखरा ।
अर्घाखाँची पोखरा सम्पर्क समाजको १६ औं साधारण सभा तथा ८ औं अधिवेशन अधिवेशनले अध्यक्ष दधिराम खनालको नेतृत्वमा नयाँ कार्यसमिति चयन गरेको छ ।

समाजको वरिष्ठ उपाध्यक्ष रामप्रसाद पौडेल, प्रथम उपाध्यक्ष बाबुलाल पाण्डे, द्वितीय उपाध्यक्ष झविन्द्र अधिकारी, महासचिवमा ईन्द्रबहादुर कुँवर, सचिव शोभाखर पाण्डे, कोषाध्यक्ष नवराज पाण्डे र सहकोषाध्यक्षमा सीता सुनार निर्वाचित भएका छन् ।

कार्यसमिति सदस्यमा गोमा आचार्य, कृष्ण रानाभाट, कृष्ण पाण्डे, खिमलाल बराइली, गणेश बञ्जाडे, पार्वता पौडेल, धर्मराज पन्थी, कृष्ण पाण्डे, रामप्रसाद पाण्डे, नारायण क्षेत्री, बाबुराम पौडेल, कल्पना सुनार र अर्जुन अधिकारी छन् । समाजले लक्ष्मी पाण्डे कुवँर र शंकर सुनारलाई सदस्यमा मनोनित गरेको छ ।

कार्यक्रममा जिल्ला समन्वय समिति अर्घाखाँची प्रमुख जीवनारायण कोइरालाले अर्घाखाँचीको पर्यटन प्रवद्र्धनका लागि पोखरा र अर्घाखाँचीबीच पुलको काम गर्न सुझाव दिए । अर्घाखाँचीको पर्यटनको प्रर्याप्त संभावना हुँदा हुदै पनि प्रचार प्रसारको अभाव भएको उल्लेख गर्दै उनले पोखरामा बसेर अर्घाखाँचीको प्रवद्र्धनात्मक कार्यक्रम गर्न आग्रह गरे ।

समाजका अध्यक्ष चेतनारायण पाण्डे र गुल्मेली समाज पोखरा अध्यक्ष, नारायण न्यौपानेले समाजले गरेका कार्यक्रमको बारेमा बोलेका थिए । अर्घाखाँची पोखरा सम्पर्क समाजले नयाँ वर्ष २०८० को शुभकामना आदानप्रदानसहित भित्तेपात्रो पनि सार्वजनिक गरेको छ ।