पोखरा ।
राष्ट्रिय विज्ञापन संघ नेपालको प्रारम्भिक साधारण सभाबाट धर्मेन्द्रकाजी श्रेष्ठको अध्यक्षतामा नयाँ कार्यसमिति विस्तार भएको छ । काठमाडौंमा सम्पन्न साधारण सभाबाट श्रेष्ठको अध्यक्षतामा नयाँ समिति विस्तार भएको हो ।

मल्ल होटलमा बसेको साधारणसभाले प्रथम उपाध्यक्षमा प्रदीप कोइराला, द्वितीय उपाध्यक्षमा अमृतकुमार पन्थी, महासचिवमा आशीष खड्का, सचिवमा विमल खड्का, कोषाध्यक्षमा अरुण अर्याल, सहकोषाध्यक्षमा रोजी पराजुलीलाई निर्विरोध निर्वाचित गरेको छ ।

संघको सदस्यहरुमा क्रमशः वसन्त योगी, रवि अर्याल, इन्द्रमणि न्यौपाने, राम बज्राचार्य, गुञ्जमणि भट्टराई, चन्द्रकान्त अवस्थी, निर्मल अधिकारी, नवराज निरौला, सुनील आहुजी र सविन पोख्रेल छन् ।

निर्वाचित भएलगत्तै बसेको कार्यसमितिको पहिलो बैठकले विज्ञापन क्षेत्रलाई समय सापेक्ष बनाउन विधान संशोधन गर्ने लगायत तीनबुँदे निर्णयहरु पारित गरेको छ ।