लेखनाथ ।
देशभर छरिएर रहेका कालिकोट भारद्वाज गोत्रीय घर्तीक्षेत्री (जिसी) बन्धुहरु संगठित हुने भएका छन् । पोखराको लेखनाथमा सोमबार भएको केन्द्रीय प्रथम भेलाले कमलकुमार जिसी (बागलुङ)को संयोजकत्वमा तदर्थ समिति गठन गरी संगठित हुने अभियान चलाएको हो ।

जिसी बन्धुहरुको उद्गमस्थलको खोजी गर्दै देशभर छरिएर रहेका जिसीहरुलाई संगठित गर्दै भाइचाराको सम्बन्ध विस्तार गर्ने उद्देश्यले भएको भेलाले तदर्थ समिति गठन गरी वंशावलीदेखि ऐतिहासिक पक्षलाई लिपिबद्ध गर्ने निर्णय भएको हो ।

पोखरा २६ अर्घौं निवासी ९५ वर्षीय चन्द्रबहादुर जिसीको अध्यक्षतामा भएको भेलाले विभिन्न जिल्लाको प्रतिनिधित्व हुने गरी समिति निर्माण गरेको छ । जसको सह संयोजकमा प्रेमबहादुर जिसी (पाल्पा), सचिव तिलबहादुर जिसी (पर्वत) र कोषाध्यक्षमा विष्णु जिसी (नवलपुर)लाई चयन गरेको छ ।

समितिको सदस्यहरुमा भरत जिसी (तनहुँ), कृष्णजंग जिसी (कास्की), लक्ष्मण जिसी (पाल्पा),मोहन बहादुर जिसी (पुठान), शिशिर जिसी (नवलपुर), कृष्णबहादुर जिसी (गुल्मी) र डिलबहादुर जिसी (प्युठान) छन् । भेलाले सल्लाहकार समितिको समेत चयन गरेको छ ।

जसमा प्राडा सूर्यबहादुर जिसी(रुपन्देही), सहप्रध्यापक सूर्यबहादुर जिसी (कास्की), कमलहरि जिसी( तनहुँ), हर्कबहादुर जिसी (गुल्मी), धर्मबहादुर जिसी (नवलपुर), रामकृष्ण जिसी (कास्की), किसान जिसी (बागलुङ), बालकृष्ण जिसी (बागलुङ) र मनहरि जिसी (कास्की) छन् । कानुनी सल्लाहकारमा अधिवक्ता प्रशान्त जिसी र दुर्गा जिसी छन् ।