पोखरा ।
पिपल्स बचत तथा ऋण सहकारीले नयाँ सालको पूर्वसन्ध्यामा बिहीबार शुभकामना आदानप्रदान गरेको छ । सो अवसरमा संस्थाका अध्यक्ष शंक बहादुर खत्री तथा मनिपाल अस्पताल आँखा विभागका डा लक्ष्मण तिम्सिनाले सहकारीले प्रकाशन गरेको भित्तेपात्रो संयुक्त रुपमा सार्वजनिक गरे ।

कार्यक्रममा सहकारी सञ्चालक समिति सदस्य राधिका भट्टराईले संस्था प्रविधिमैत्री हुँदै सेयर सदस्यसम्म सूचना र जानकारी पुर्‍याउनुपर्नेमा जोड दिइन् ।

कार्यक्रमका वत्ताहरुले सहकारी शिक्षालाई अझ प्रभावकारी रुपले सेयर सदस्यसम्म लैजान र आर्थिक सुशासन कायम गर्दै सेयर सदस्यको हितमा अधिकतम रुपले लाग्नुपर्नेमा जोड दिएको संस्थाका मुख्य व्यवस्थापक महेश पौडेलले जानकारी दिए ।