पोखरा ।
हरेक महिनाको अन्तिम शनिबार हुने हाइकिङको ३३ औं शृंखला कास्कीको पर्यटकीय गाउँ मिर्सामा भएको छ । स्वास्थ्य र पर्यटनको लागि हाइकिङ भन्ने उद्घोषका साथ हाइकिङ सञ्चालन हुँदै आएको छ ।

कास्की जिल्ला भित्र सामुदायिक होमस्टे सञ्चालन गरेका कालाबाङ घरेडी सामुदायकि होमस्टेका अध्यक्ष यामबहादुर गुरुङ, अर्मलाकोट सामुदायिक होमस्टेका अध्यक्ष बबिता गुरुङ, सचिव झलश्री गुरुङ पहिलो पटक हाइकिङमा सहभागी भएका थिए ।

उनीहरुले हाइकिङले होमस्टेको प्रवद्र्धनमा सहयोग पुग्ने जनाए ।

हाइकिङ गर्न रुचाउने १० वर्ष देखि ६५ वर्षसम्मका विद्यार्थी, व्यवसायी, समाजसेवी, पत्रकार, वैदेशिक रोजगारबाट फर्किएका, पर्यटन व्यवसायी, शिक्षासेवी लगायत ३२ जना यसमा सहभागी बने ।

गाउँ पर्यटन प्रबद्र्धन मञ्च (भिटोफ) गण्डकी संस्थापक अध्यक्ष तारानाथ पहारी र पूर्व अध्यक्ष रवीन्द्रराज पौडेले हाइकिङलाई ग्रामीण पर्यटनसँग जोड्न सकेमा मात्रै नेपालको पर्यटन विकास हुने बताएका छन् ।