जोमसोम–महालेखा परीक्षकको कार्यालय (मलेप)ले सार्वजनिक गरेको ६० औं वार्षिक प्रतिवेदनमा मुस्ताङको ५ स्थानीय तहको बेरुजु रकम ७ करोड ५९ लाख ६९ हजार रहेको पाईएको छ ।आर्थिक वर्ष २०७७–०७८ मा मुस्ताङका ५ तहको बेरुजु रकम ५ करोड ८० लाख ११ हजार रहेकोमा १ करोड ८९ लाख बेरुजु थपिएको हो ।

महालेखा परीक्षकको ६० औं वार्षिक प्रतिवेदन अनुसार मुस्ताङको लोमान्थाङ थासाङ र वारागुङ मुक्तिक्षेत्र गाउँ पालिकाले बेरुजु प्रतिशत घटाएका छन् भने अन्य पालिकाको बेरुजु प्रतिशत वृद्धि भएको देखिएको छ । मलेप प्रतिवेदन अनुसार मुस्ताङको लोमान्थाङ गाउँपालिकाले आर्थिक वर्ष २०७७÷०७८ को भन्दा ४ लाख ४० हजार अर्थात शून्य दशमलव ७ प्रतिशत बेरुजु घटाएको हो ।लोमान्थाङको बेरुजु ९ लाख ७२ हजार छ ।

वारागुङको बेरुजु प्रतिशत २ दशमलव ९५ प्रतिशतबाट २ दशमलव १२ प्रतिशतमा झरेको छ । अघिल्लो वर्ष १ करोड ५४ लाख ५८ हजार बेरुजु रहेकोमा हाल १ करोड २५ लाख ६७ हजारमा झरेको हो । वारागुङले करिव २९ लाख अर्थात शून्य दशमलव ८३ प्रतिशत बेरुजु रकम घटाएको हो ।

थासाङ गाउँपालिकाले पनि बेरुजु प्रतिशत घटाएको छ । थासाङले अघिल्लो वर्षको तुलनामा शून्य दशमलव ८२ प्रतिशत बेरुजु कम गरेको छ । थासाङको अघिल्लो वर्ष २ करोड ६ लाख बेरुजु रहेकोमा १ करोड ५७ लाख बेरुजु कायम गरेको छ । थासाङले ५१ लाख अर्थात शून्य दशमलव ८२ प्रतिशत बेरुजु कम गरेको हो ।

लोघेकर दामोदरकुण्ड गाउँपालिकाको बेरुजु अघिल्लो वर्षको तुलनामा बढेको छ ।आर्थिक वर्ष २०७७÷०७८ मा लोघेकर दामोदरकुण्डको बेरुजु रकम २४ लाख १० हजार अर्थात शून्य दशमलव ४९ प्रतिशत बेरुजु रहेकोमा आर्थिक वर्ष २०७८÷०७९ को (मलेप)े प्रतिवेदनमा १ करोड २५ लाख ७१ हजार अर्थात २ दशमलव १२ प्रतिशत बेरुजु पुगेको छ ।लोघेकरमा अघिल्लो वर्ष भन्दा थप १ करोड १ लाख अर्थात १ दशमलव १३ प्रतिशत बेरुजु बढेको देखिन्छ ।

यसैगरी मुस्ताङको घरपझोङ गाउँपालिको बेरुजु पनि अघिल्लो वर्षको तुलनामा दोब्बर प्रतिशत बेरुजु वृद्धि भएको मलेप प्रतिवेदनमा उल्लेख छ । घरपझोङको बेरुजु अघिल्लो वर्ष १ करोड ८२ लाख अर्थात २ दशमलव ३४ प्रतिशत रहेकोमा हाल २ करोड ९६ लाख अर्थात ४ दशमलव ५८ प्रतिशतमा पुगेको मलेप प्रतिवेदनमा देखिन्छ ।¬
मुस्ताङका ५ स्थानीय तह मध्ये ३ स्थानीय तहको बेरुजु प्रतिशत घटेको छ भने २ स्थानीय तहको बेरुजु प्रतिशत वृद्धि भएको हो ।

मलेपले सार्वजिक गरेको आर्थिक वर्ष २०७७÷०७८ को प्रतिवेदनमा मनाङको नार्पाभूमि गाउँपालिका पहिला ेर मुस्ताङको लोमान्थाङ गाउँपालिका प्रदेशकै दोश्रो कम बेरुजु रहेको पालिकाको सुचिमा परेका थिए ।

मलेपको पछिल्लो वार्षिक प्रतिवेदनमा लामोन्थाङ प्रदेशकै पहिलो कम बेरुजु रहेको पालिकामा परेको छ भने मनाङको नार्पाभूमि गाउँपालिकाको बेरुजु बढेको छ । नार्पाभूमि गाउँपालिकाको अघिल्लो वर्षको बेरुजु ७ लाख २८ अर्थात शून्य दशमलव २५ प्रतिशत रहेकोमा अहिले ७४ लाख ७२ हजार अर्थात १ दशमलव ५ प्रतिशतमा पुगेको हो ।