लेखनाथ ।
चण्डी देउराली क्लबले आयोजना गरेको खुबला भलिबल प्रतियोगिताको उपाधि शुक्लागण्डकी १२ को बाबियाडाँडाले जितेको छ ।

आयोजक चण्डी देउराली क्लब दोस्रो, आराधना क्लब खुदीखोला तेस्रो र शुक्लागण्डकी २ सान्त्वना भएका छन् । नव वर्ष मेला तथा साबिक वडा स्तरीय खुला पुरष भलिबल प्रतियोगिता तथा विविध सांस्कृतिक कार्यक्रम ४ दिन चलेको थियो ।

फाइनलमा सोझो सेटमा आयोजक टिमलाई पराजित गर्दै बाबियाँडाँडा क्लबले उपाधि रक्षा गरेको हो । चण्डी देउरालीलाई २५–१५, २५–१७ र २५–१६ सेटमा पराजित गर्दै बाबिया डाँडाले उपाधिसहित ४५ हजार जितेको छ ।

प्रदेश सांसद श्यामराजा महतले विजेतालाई ४५ हजार, उपविजेतालाई ३० हजार र तृतीयलाई १५ हजार, सिल्ड, मेडल र प्रमाणपत्र प्रदान गरे ।

बाबियाका टिम क्याप्टेन विशाल ठकुरी सर्वाेत्कृष्ट खेलाडी बने । प्रतियोगितामा विभिन्न क्लब र वडाका गरी १८ टिम सहभागी रहेको क्लब उपाध्यक्ष विष्णु आलेले बताए ।