पोखरा ।
नेपाल विद्यार्थी संघको ५४ औँ स्थापना दिवसको उपलक्ष्यमा नेपाल विद्यार्थी संघ कास्कीले पोखरा १७ स्थित पोखरा वृद्धाश्रममा फलफूल वितरण गरेको छ ।

आश्रममा आश्रित ज्येष्ठ नागरिकलाई नेविसंघ कास्कीका अध्यक्ष नसिब गुरुङ नेतृत्वमा फलफूल वितरण गरिएको हो ।

फलफूल वितरणपछि आमाबुवाहरुको अनुहारमा खुसी देख्दा आफू पनि प्रशन्न भएको र थप ऊर्जाका साथ आगाडि प्रेरणा मिलेको अध्यक्ष गुरुङले बताए ।

आउँदा दिनहरुमा विद्यार्थी राजनीतिको परिभाषालाई परिवर्तन गरेर यस्तै रचनात्मक क्रियाकलाप र विद्यार्थीमुखी नीतिनियमको निर्माण गर्नुपर्ने आजको आवश्यकता रहेको नेपाल विद्यार्थी संघ कास्कीका सचिव विष्णु पहारीले जनाए ।

कार्यक्रममा नेविसंघ नेता डिफान भुजेल, विजय घिमिरे, कुशल खड्का लगायत नेता सहभागी थिए ।