चितवन २ मा भारी मतसहित रवि लामिछाने निर्वाचित

समाधान संवाददाता २०८० वैशाख १२ गते १३:०२

पोखरा ।
चितवन–२ मा राष्ट्रिय स्वतन्त्र पार्टीका सभापति रवि लामिछाने भारी मतान्तरसहित निर्वाचित भएका छन् । आइतबार भएको प्रतिनिधि सभा सदस्य उपनिर्वाचनमा लामिछाने ५४१७६ मतसहित निर्वाचित भएका हुन् ।

Advertisement

नेपाली कांग्रेसका उम्मेदवार जितनारायण श्रेष्ठले ११२१४, नेकपा एमालेका रामप्रसाद न्यौपानेले १०९३६, राष्ट्रिय प्रजातन्त्र पार्टीका जीवलाल पुरीले ३७५ मत पाएका छन् ।

गत मंसिर ४ मा भएको चुनावमा लामिछाने ४९ हजार ३०० मत ल्याइ विजयी भएका थिए । नागरिकता विवादका कारण उनको सांसद पद गुमेको थियो । त्यसैले यहाँ उपनिर्वाचन भएको हो ।

तपाईको प्रतिक्रिया