तनहुँमा ट्रकको ठक्करबाट घाइते भएका ८ जनामध्ये उपचारको क्रममा ३ जनाको मृत्यु भएको छ।

याम्पास्थित पृथ्वी राजमार्गमा बुधबार बिहान ट्रकले ठक्कर दिँदा उनीहरु घाइते भएका थिए। चेतबहादुर घर्ती, सनबहादुर भुजेल र आयुष भुजेलको उपचारका क्रममा मृत्यु भएको प्रहरीले जनाएको छ। उनीहरू बन्दीपुर गाउँपालिका वडा नम्बर १ का हुन्।

तीमध्ये गम्भीर घाइते भएका ३ जनाको उपचारका क्रममा मृत्यु भएको तनहुँ प्रहरीले जनाएको छ। घाइतेहरूको चितवनमा उपचार गरिएको थियो। ना ४ ख १९७३ नम्बरको ट्रक एउटा घरमा ठक्कर खाएको थियो।

जिल्ला प्रहरी कार्यालय तनहुँका प्रमुख, एसपी अबदेश विष्टले ३ जनाको मृत्यु भएको बताए।

तस्बिर डिपी अधिकारीको फेसबुक