पोखरा ।
थ्राइभ ब्रोकरेज हाउस प्रालि (स्टक ब्रोकर नं.१३)को शाखा कार्यालय तनहुँमा विस्तार भएको छ । २६ वर्षदेखि धितोपत्र दोस्रो बजारमा सेवा दिँदै आएको कम्पनीको शाखा कार्यालयको शुक्रबारबाट व्यास नगरपालिकाको दमौलीमा खुलेको हो ।

व्यास नागरपालिका प्रमुख बैकण्ठ न्यौपानेले शाखा सुरुआत गरे । १३ वर्ष पहिले पोखरामा शाखा स्थापना गरेको कम्पनीले दमौलीमा दोस्रो शाखा खोलेको हो । सो अवसरमा धितोपत्र, सेयर बजारसम्बन्धी लागानीकर्ता शिक्ष तथा सचेतना कार्यक्रम पनि भएको कम्पनीका अध्यक्ष अनोजराज पौड्यालले बताए ।

कार्यक्रममा लागानीकर्तालाई स्टक एक्सचेन्च र कारोबार प्रणालीका बारेमा विशाल अधिकारीले सहजीकरण गरेका थिए ।