घनश्यामलाई विन्ध्यवासिनी म्युजिक अवार्ड

समाधान संवाददाता २०८० वैशाख २५ गते १३:३०

पोखरा ।
पोखराका सर्जक घनश्याम रिजालले विन्ध्यवासिनी म्युजिक अवार्ड प्राप्त गरेका छन् । काठमाडौंमा आयोजितसांगीतिक समारोहमा उनलाई विन्ध्यवासिनी म्युजिक अवार्डबाट पुरस्कृत गरिएको हो ।

रिजालले सर्वोत्कृष्ट लोक दोहोरी गीतको अवार्ड हात पारे । उनले सिर्जना गरेको शून्य भयो डाँडैको चौर सर्वोत्कृष्ट भएको हो ।

जसमा लोकदोहोरी गायक रामजी खाँण र गायिका अन्जु पन्तको आवाज छ ।

Advertisement

खासगरी नेपाली लोकगीत क्षेत्रमा उनले सिर्जना गरेका गीतलाई रुचाइएको छ । प्रेमिल भावका गीतसँगै उनले सामाजिक यथार्थपरक विषयवस्तुमा आधारित गीत पनि सिर्जना गरेका छन् । घर शून्य भो, बाख्रा पालम्ला उनका सामाजिक यथार्थपरक गीत हुन् ।

यस बाहेक अमिलो रसैले, सरसर, तिम्रो पछ्यौरी(रत्यौली), ओइ माया, ढल्के बरको छायाँले, बम्बैको साडी, हुन हुनी थियो र मलाई, प्यार प्यार, डालीमा बसेको चरी, जन्मघर माइतैमा, डाली रित्तै भो जस्ता उनका गीत र्चामा छन् ।

Advertisement

तपाईको प्रतिक्रिया