पोखरा ।
गण्डकी प्रदेशमा प्रदेश सभा सांसद विकल शेरचनले नेपाली कांग्रेस मुस्ताङ कार्यसमिति सचिव पदबाट राजीनामा दिएका छन् ।
प्रदेश सभा सदस्य निर्वाचित भएपीछ राजनिामा दिएका शेरचनको मंगलबार स्वीकृत भएको हो ।

कांग्रेस मुस्ताङमा सचिव छेवाङ नोर्बू गुरुङले विज्ञप्ति जारी गर्दै शेरचनको राजीनामा स्वीकृत भएको जनाएका हुन् । सांसद शेरचनले नैतिकता र स्वार्थ बाझिने अवस्थाबाट मुक्त रहन सचिव पदबाट राजीनामा दिएको प्रतिक्रिया दिए ।

उनले स्वार्थ नबाझिऊन् भन्दै कृषक समूह र हिमाली नामको गैसस, आदिवासी जनजाति युवा महासंघको संघीय परिषद सदस्य, थकाली युवा परिवार नेपालको केन्द्रीय सचिव पदबाट पनि मंसिर महिनामै राजीनामा दिइसकेका छन् ।

उनी मुस्ताङ प्रदेश सभा २ बाट निर्वाचित भएका थिए ।