गण्डकीमा आज ४ बजे नयाँ मन्त्रीहरुको सपथ

समाधान संवाददाता २०८० वैशाख २९ गते १४:०९

पोखरा ।

गण्डकी प्रदेशका मुख्यमन्त्री सुरेन्द्रराज पाण्डेले शुक्रबार थप मन्त्री नियुक्त गरेका छन् । उनले ७ सदस्यीय मन्त्रिपरिषदमा ४ मन्त्री थपेका हुन् ।

१४ वैशाखमा मुख्यमन्त्री नियुक्त पाण्डेले शुक्रबार ४ जना थप मन्त्री नियुक्त गरी शुक्रबार ४ बजे सपथ गराउन लागेको स्रोतले जनाएको छ ।

Advertisement

पाण्डेले वैशाख १५ गते सपथ लिँदाको दिन कांग्रेसकी सरस्वती अर्याल र माओवादीकी सुशील सिम्खडालाई विना विभागीय मन्त्री नियुक्त गरेका थिए । माओवादीले पाउने थप मन्त्रीमा म्याग्दीका रेशम जुग्जालीलाई पठाउने निर्णय यसअघि नै माओवादीले गरिसकेको छ ।

कांग्रेसबाट बागलुङका दीपेन्द्रबहादुर थापा र नवलपुरका महेन्द्रध्वज जिसी मन्त्री बन्ने सम्भावना छ । नेकपा एसका राजीव गुरुङ “दीपक मनाङे” पनि मन्त्री बन्ने चर्चा रहे पनि त्यसको पुष्टि भएको छैन ।

Advertisement

तपाईको प्रतिक्रिया