विद्यार्थीलाई इन्द्रेणीको सहयोग

समाधान संवाददाता २०८० जेठ १ गते १४:५१

पोखरा ।
पोखरा महानगर पालिका वडा न १ मा रहेको इन्द्रेणी एकीकृत विकास केन्द्रले अन्नपूर्ण गाउँ पालिका वडा ४ सल्यानको भूमेश्वर आधारभूत विद्यालयका विद्यार्थीलाई शैक्षिक सामग्री सहयोग गरेको छ ।

बाल कक्षादेखि ५ कक्षा सम्मका ४१ विद्यार्थीलाई ट्राकसुट, स्टेसनरी र खेलकुदका सामग्री वितरण गरिएको हो । प्रतिनिधिसभा सदस्य दामोदर बैरागीले स्थानीय सरकारले नीति तथा कार्यक्रम बनाउने बेला सरकारी विद्यालयमा विद्यार्थी कम हुँदै जानुको कारणबारे छ्लफल हुनुपर्नेमा जोड दिए ।

उनले इन्द्रेणीले गरेका सामाजिक कार्यको अन्य संघ, संस्थाले अनुशरण गर्नुपर्ने विचार राखे । केन्द्रका अध्यक्ष भानुभक्त अधिकारीको अध्यक्षतामा भएको कार्यक्रममा उपाध्यक्ष निरजबिक्रम राणा, महासचिव वसन्त बास्तोला र विद्यालयका प्रधानाध्यापक तोरण केसीले पनि बोलेका थिए ।

Advertisement

केन्द्र को आव २०७९/८० को समीक्षासँगै आव २०८०/८१ को योजना तर्जुमा कार्यक्रम पनि भएको केन्द्रका अध्यक्ष अधिकारीले जानकारी दिए ।

Advertisement

तपाईको प्रतिक्रिया