पोखरा महानगरपालिका १२ नम्वर वडा कार्यालयले व्याग र कम्पोष्ट विनमा अनुदान दिने भएको छ । वडाका स्थानीयलाई कृषिमा आकर्षित गराउन प्रत्येक व्यक्तिलाई ५० प्रतिशत अनुदान दिने वडाध्यक्ष सन्तोष बास्तोलाले बताए ।

उनले बजार क्षेत्रका स्थानीयमा कृषि योग्य जमीन नहुने भएकाले कौशी खेती प्रवद्र्धन गर्ने उदेस्यले तालिम संचालन गरेको बताए । एक दिने तालिममा सिजनेवल तरकारी, सागसव्जी, काक्रो, फसीर्, करेलालगायतका तरकारी कौसीखेतीमा गर्न सकिने भन्दै त्यसतर्फ सबैले पहल गर्नुपर्ने बताए ।

वडा कार्यालयले कौसीखेती र फोहोरमैला व्यवस्थापनसम्वन्धि तालिम दिएर स्थानीयलाई सहजीकरण गरेको थियो । ९० जना स्थानीय र कृषकलाई तालिम दिइएको कृषि महाशाखाका प्रमुख तथा प्रशिक्षक मनोहर कडरियाले बताए । त्यस्तै ग्रिन रोड कम्पनीका फाउन्डर विमल वास्तोलाले फोहोरमैला कसरी न्युनिकरण गर्न सकिन्छ भन्ने विषयमा प्रशिक्षण दिएका थिए । पोखरा महानगरपालिका १२ नम्वर वडाको आयोजनामा टोल विकास संस्था तथा आमा समुहको लागि कोशी खेती तथा फोहोर व्यवस्थापन तालिम संचालन गरिएको हो ।