पोखरा ।

पोखरा महानगरपालिका वडा नं. ९ भित्र रहेका टोल विकास संस्थाहरुको भेलाले टोल विकास संस्था समन्वय समिति पोखरा ९ को अध्यक्षमा शान्ति दर्शन टोल विकास संस्थाका अध्यक्ष उत्तम जोशीको अध्यक्षतामा नयाँ समिति गठन भएको छ ।

वडाध्यक्ष दीपेन्द्र मर्सानीको उपस्थितिमा भएको भेलाले समितिको उपाध्यक्षमा जनकल्याण टोल विकास संस्थाका अध्यक्ष क्षेत्रबहादुर गुरुङ, सचिवमा सुन्दर मार्ग टोल विकास संस्थाका अध्यक्ष सुनील उलक, सहसचिवमा शिव टोल विकास संस्थाका अध्यक्ष धु्रव श्रेष्ठ, कोषाध्यक्षमा सहारा टोल विकास संस्थाका अध्यक्ष राजु विक (रत्नबहादुर) लाई सर्वसम्मत चयन गरेको छ ।

सदस्यमा वडा भित्रका सबै टोल विकास संस्थाका अध्यक्ष पदेन सदस्य रहने विधानमा व्यवस्था भएको नवनिर्वाचित अध्यक्ष जोशीले बताए ।