पोखरा ।
हंसपुर थुम्की पोखरा सम्पर्क समाजको शनिबार भएको ९ औं अधिवेसन तथा १८ औं साधारण सभाले फेरि प्रकाश केसीको अध्यक्षतामा सर्वसम्मत रुपमा नयाँ कार्यसमिति चयन गरेको छ । समाजको उपाध्यक्षमा सुरेश श्रेष्ठ, सचिव विकाश खनाल, सहसचिव विष्णुहरि ढकाल र कोषध्यक्षमा सरस्वती पौडेल छन् ।

सदस्यमा भेषराज न्यौपाने, विष्णुप्रसाद सुवेदी, वेलबहादुर गुरुङ, कविराज सुवेदी, सम्झना कट्टेल र जनकराज सुवेदी छन् । सभामा रुपा गाँउपालिक अध्यक्ष नवराज ओझाले समाजले पोखरामा रहेका सदस्यबीच सुखदुखमा एकाकार हुँदै नमुना काम गरेको बताए । ओझाले रुपा गाँउपालिकाले विकास, निर्माण, जनताको लागि आय आर्जन लगायतका कामलाई प्राथमिकतामा राखेको बताए ।

समाजका सल्लाहाकार नवराज सुवेदीले समाज सुखदुखको साहारा भएको जनाए । अर्का सल्लाहकार रविनबाबु पौडेलले समाजले नै एकापसमा मानिसलाई जोड्ने कार्य गरेको उल्लेख गरे ।

समाजका अध्यक्ष प्रकाश केसीको अध्यक्षतामा भएको कार्यक्रममा संस्थापक अध्यक्ष क्या. हर्कबहादुर गोदार, पूर्व अध्यक्ष धनेश्वर सुवेदी, संस्थापक बयानबहादुर गोदार, पूर्व सचिव वृहष्पति अधिकारी, रुपा ७ का पूर्व अध्यक्ष दयासागर सुवेदी, आजीजन सदस्य केशवराज भट्टराई,सचिव सुदर्शन पौडेल र सहसचिव सरस्वती पौडेल लगायतले बोलेका थिए ।