पोखरा ।
गण्डकी प्रदेश सभाको नियमावली समितिको बैठकले सांसद सुधीरकुमार पौडेलको संयोजकत्वमा लोगो सिफारिस उपसमिति गठन गरेको छ । उपससमितिमा सांसदहरु पञ्चराम गुरुङ, अशोककुमार श्रेष्ठ र फणीन्द्र देवकोटा सदस्य छन् । उपसमितिलाई १५ दिनको समयावधि तोकिएको नियमावली समितिका संयोजक गोविन्दबहादुर नेपालीले जानकारी दिए ।

समितिले पूर्व सभामुख, उपसभामुख, प्रमुख सचेतक, सभापति र सचेतकसँग र संसदीय पत्रकार मञ्चसँग नियमावलीको बारेमा छलफल गर्ने भएको छ । समितिको आफ्नो म्याद असार २० गतेसम्म थप्न संसदसँग गर्ने भएको छ । समितिको बैठक आइतबार बसेको थियो ।